Palmantè yo nan Kongrè Etazini an ap travay vit pou yo pase dènye pake pwojè-lwa ki nesesè pou ane bidjè a, pandan yo ap aji, bagay ki te dwe fèt lontan, pou bay finansman pou ajans federal yo e anpeche gouvènman-an fèmen pou pàn lajan.
Pandan plizyè ajans federal kle ap pran pàn finansman a minwi jodi vandredi a, Chanm Depite a ak Sena a ka aji pou sove yon seri mezi pou yon valè yon trilyon 200 milya dola ki konbine 6 pwojè-lwa pou ane bidjè a pou fè yon sèl pake. Plis pase 70 pousan lajan sa a ta ale nan defans.
Palmantè yo revolte kont sa ki tounen yon abitid kote Demokrat yo mande yo vote pou yon pakèt pwojè-lwa konplèks lè yo gen yon ti kras tan pou yo analize yo, oswa fè fas ak fèmti gouvènman an akoz mank finansman.