Pi gwo otorite nan lame amerikèn nan, kòmandan Wo Eta Majò lame a, amiral Mike Mullen, fè konnen kèk eleman nan sen gouvènman pakistanè a sanble te bay pèmisyon pou yo te touye yon jounalis nan fen mwa me 2011 la, men li pa an mezi pou l makònen otorite sèvis sekrè peyi Pakistan ak asasina sa a.
Misye Muller kontinye pou l di li poko wè anyen ki ta kontredi rapò ki fè konnen gouvènman pakistanè a te apwouve desizyon ki te mande pou yo te bat jounalis Saleem Shahzad jiskaske misye te rann dènye soupi li.
Sepandan Sèvis sekrè pakistanè a demanti pawòl ki fè konprann li ta mele nan lanmò jounalis la.