Accessibility links

Yon Tranblemanntè Fòs 8,9 Frape Japon

  • Serge Michel

Japon aprè tranblemanntè 11 mas 2011 la. (AP Photo/Yasushi Kanno, The Yomiuri Shimbun)

Yon gwo kokenn chenn tranblemanntè ki mezire 8,9 sou echèl Ricktè a, frape kòt nò dès peyi Japon kote li pwovoke yon sounami (sètadi yon mare-wot kote lanm-lanmè yo monte rive jouska yon wotè 10 mèt).

Sounami sa a anglouti bato, li kraze kay, li demoli machin sou tout kòt la. Jiskaprezan nouvèl-yo di genyen 5 moun ki mouri, men otorite-yo prese lanse avètisman pou di kantite viktim yo kapab ogmante.

Se konsa tou yo pase lòd pou popilasyon k ap viv nan zòn konsène yo pati ale lòt kote. Moun k ap viv nan kapital Japon an, Tokyo, te kapab santi gwo tranblemanntè a ki souke building e lakoz dife pran anpil kote.

Sèvis Meteo vil la fè konnen tout tren ak tout sistèm sikilasyon souteren-an kanpe. Ayewopò entènasyonal Haneda nan Tokyo rekòmanse travay : li ouvè tou lè 4 teren-avyasyon n yo dekwa pou l resevwa avyon ki pa kapab ateri nan kèk lòt èpòt kote gwo soukous la fè dega –pami yo genyen ayewopò Narita a. Moun ka santi ti soukous dèyè manman nan vil Tokyo.

XS
SM
MD
LG