Accessibility links

Breaking News

Yon Kriz Otaj Nan Filipin Fè 4 Mò


Yon Kriz Otaj Nan Filipin Fè 4 Mò

Omwen 5 moun mouri aprè yon dram otaj ki dire tout yon jounen nan kapital Filipin nan, Maniy. lapolis ak gwo kas nan tèt yo ak jakèt anti-emeut te ansèkle yon bis touris ke yo te detounen lendi 23 out 2010 la.

Otorite yo te itilize gwo mas pou kraze fenèt otobis la ki te gen ladann ansyen polisye Rolando Mendoza ki te kenbe 15 touris ki te soti Hong Kong ann otaj.

Lapolis di Mendoza mouri nan yon maryaj kout zam avèk ajan polis yo --men pa anvan li te louvri zam sou otaj li yo avèk yon mitrayèt ; li touye omwen 4 nan otaj yo.

Repòtaj televizyon an dirèk montre yo t ap ede omwen 4 otaj soti nan otobis la e lòt yo, yo te wete yo sou branka. Chofè bis la te sove lè tire a te kòmanse.

Yo idantifye Mandoza kòm yon ansyen enspektè lapolis wo plase ke yo te revoke nan fòs Polis Metro Maniy la, nan lane 2008, sou akizasyon ekstòsyon ak àsèlman.

XS
SM
MD
LG