Accessibility links

Breaking News

Yon Kout Je Sou Kèk Chanpyona Foutbòl


Ann Ajantin atansyon obsèvatè yo pral konsantre sou rankont k ap jwe ant Racing klub ak San Lorenzo epi River Plate kont Independiente.

O Brezil Fluminense pral lakay Vasco da Gama ak plan pou l rache yon viktwa pou ranfòse pozisyon nan tèt chanpyona a.

Isit Ozetazini Chikago Fire ki klase 4èm nan Konferans de Lès la espere amelyore pèfòmans li lè l ap vizite Houston Dinamo.

Los Anjeles Galaksi kapab ranfòse pozisyon nan konferans de Lwès la si yo ranpòte la viktwa devan San Jose Earthquake.

O Meksik Santos Laguna pral lakay Tigres epi Monterrey ap deplase lakay Pachuca.

Federasyon Foutbòl Ajanten an fè konnen antrenè pwovizwa Sergio Batista ap kontinye antrene seleksyon an nan okazyon rankont amikal kont Japon 8 oktòb nan Tokyo.

Avan rankont sa a Ajantin gen pou rankontre chanpyon dimond an tit la Espay 7 septanm nan Buenos Aires.

Foutbolè Brezilyen Ronaldo fè konnen li kapab mete fen nan karyèl nan fen sezon 2010 la. Ronaldo k ap jwe nan klub Brezilyen Corinthians gen plis pase 3 mwa depi li pa jwe pou klib akoz blesi.

XS
SM
MD
LG