Accessibility links

Yon Konvwa Machin Militè Libyen Ale nan Peyi Nijèr – Petèt ak Manm fanmi Kadhafi

  • VOA Nouvèl

Yon Konvwa Machin Militè Libyen Ale nan Peyi Nijèr – Petèt ak Manm fanmi Kadhafi

Yon konvwa machin nan Libi, k ap transpòte twoup ki fidèl ak kolonèl Mohammar Kadhafi, travèse fwontyè peyi a ak Nijèr nan moman konbatan anti-Kadhafi kontinye rasanble alantou yon vil ki reprezante dènye bastyon, dènye baz lidè dechouke a.

Daprè otorite yo, plis pase yon douzèn machin militè antre byen ta lendi 5 septanm 2011 la sou tèritwa nijeryen an kote yo rive nan vil Agadez. Anvan sa, chèf brigad sekirite Kadhafi a, Mansour Dhao, te deja antre nan peyi Nijèr avèk divès lòt sitwayen libyen.

Jiskaprezan moun pa konnen egzatteman ki kote Kolonèl Mohammar Kadhafi ye; menm jan yo pa konnen non plis si genyen manm fanmi an oubyen manm ansyen gouvènman an ki twouve yo pami moun ki ale nan Nijèr yo oubyen si yo pral fè sa pi ta.

XS
SM
MD
LG