Yon jij federal ameriken bloke efò Eta Utah tap fè pou l aplike yon lwa sou imigrasyon ki t ap trè di pou etranje ki ilegal nan peyi Etazini, nan moman Prezidan Barack Obama lanse apèl pou l mande yon pase-men nan sistèm imigrasyon peyi a (Utha se yon eta ki nan pati lwès Lèzetazini).
Komisè gouvènman Clark Waddoups bloke lwa a madi 10 me 2011 la kèk èdtan aprè li te fin antre ann aplikasyon, ann atandan yon desizyon lajistisa va pran pou konnen si wi ou non lwa sa a konstitisyonèl.
Lwa sa a gen ladan n yon dispozisyon ki ta pèmèt lapolis chache konnen si yon moun yo arete ap viv legalman nan peyi a. Administrasyon Obama a te deja lanse yon pwosè nan tribinal federal kont yon lwa konsa Eta Arizona --ki nan pati sidwès Lèzetazini—te vle aplike.
La Mezon Blanch di sekirite fwontyè peyi a –ki gen ladan n siveyans etranje k ap antre e k ap rete Ozetazini-- se responsablite gouvènman federal la sèlman.