Responsab imigrasyon Etazini di Marisol Valles ki se yon dam meksikèn ki gen 20 tan e ki te resevwa menas lanmò apre li te tounen chèf polis nan yon rejyon vyolans ap aravaje nan peyi Meksik, mande azil politik Ozetazini.
Otorite ameriken yo fè konnen madi 8 mas 2011 la, Miss Valles twouve l Ozetazini e li pral genyen pou l prezante ka l la devan yon jij imigrasyon. Li se ansyen chèf polis Eta Guerrero ki sou fwontyè amerikano-meksiken an.
Miss Vallles te pran vakans nan dat 2 mas pase a pou l te ka regle kèk afè pèsonèl li e li te sipoze retounen nan travay lendi 7 mas la. Men majistra vil la revoke l aprè miss Valles pat prezante nan travay san li pat bay okenn eksplikasyon pou sa.