Accessibility links

Breaking News

Yon Gwoup Migran Naje Soti Tijuana Pou Rive San Diego nan Kalifoni


Peatones cruzan la frontera entre México y EE. UU. por el puente de San Ysidro, que une a Tijuana con San Diego, el 13 de octubre de 2021.

Plis pase 70 migran te naje pou soti Tijuana pou rive San Diego nan eta Kalifoni ak objektif pou yo rantre sou teritwa Ameriken an.

Korespondan nou Veronica VillaFane rapòte ke gen plizyè imigran ki pèdi lavi yo pandan yo tap eseye travèse rivyè ant vil Tijuana nan peyi Meksik pou ale nan San Diego, Ozetazini.

Gen yon meksiken ki te mouri nwaye pandan li tap eseye travèse rivyè a, gat kòt te rive sove 13 lòt. Konsil jeneral meksiken an nan San Diego, Carlos Gonzalez Guttierrez di ototal yo mete men sou 36 moun pami yo yon minè. Tout moun yo rive arete yo se meksiken.

Sèvis ladwan ak pwoteksyon fwontyè a rapatriye 22 nan migran yo, an akò avek Tit 42, lwa sante piblik ameriken an ki pèmet tout imigran kap chache antre nan peyi a san dokiman legal retounen nan peyi Meksik.

Nan ane ki pase yo te gen yon ogmantasyon nan kantite imigran ki ap riske lavi yo sou lanmè abò bato popistach epi naje pou yo rive nan lot bò rivyè a.

Dapre konsil Carlos Gonzalez Guttierrez genyen 30 meksiken ki pèdi lavi yo e 8 nan yo mouri nwaye.

XS
SM
MD
LG