Accessibility links

Breaking News

Yon Gwo Kokenn Chenn Tonad Frape Nouvèl Òleyan


Carrie Fontaine fe yon poz pandan lap chache zafe pesonel zanmi li Eric Dickerson apre yon tornad frape e detwi kay li Madi swa nan Arabi, Lwizyann, 23 Mas 2022.

Yon gwo kokenn vouvarivan travèse Eta Lwizyàn nan sware jounen madi a; li koze gwo dega nan plizyè pati vil Nouvèl Òleyan. Video yon televizyon lokal filme montre yon gwo nyaj nwa ki te kouvri plizyè zòn nan pati lès vil la.

Tanpèt la rache tèt plizyè kay ki swa detrui swa domaje, tandiske li koupe kouran elektrik nan 9èm Awondisman an nan pati istorik vil la, anvan li te pran direksyon lès pou l travèse Flèv Misisipi a. Li koze menm kalte gwo dega sa yo nan katye Arabi ki nan Pawas Sen Bèna kote otorite yo di yon moun mouri tandiske plizyè lòt blese.

Nan Pawas Nouvèl Òleyan ak Sen Bèna, responsab yo fè laprès konnen yo resevwa apèl dijans nan men kèk moun ki te rete bloke anndan kay yo.

Tou lè 2 kominote sa yo te sibi gwo destriksyon lè Siklòn Katrina te pase sou Nouvèl Òleyan ak rejyon ki alantou l yo an 2005. Plizyè katye te inonde lè sistèm pon levi vil la te kraze; sa ki te fòse plizyè milye moun pati kite rejyon an.

XS
SM
MD
LG