Accessibility links

Breaking News

'Pasifye Ayiti': Yon Gwo Chire-Pit ap Devlope ant Ayiti ak Repiblik Dominikèn


Republica Dominicana presidetente

Avèk denye devlopman nan peyi d'Ayiti tankou asasina Prezidan Jovenel Moise, gang ki okipe yon pakèt zòn nan peyi a prensipalman nan kapital la, ki lakoz ensekirite a pase nan yon lot nivo.

Prezidan Dominiken-an Louis Abinader fè anpil deklarasyon sou kriz Ayiti yo, e li te menm fè yon deklarasyon nan yon tet ansanm ak peyi Panama ak Costa-Rica avek yon objektif pou devlope yon plan pou “pasifye Ayiti".

Lidè dominiken lanse apel nan menm sans sa a sou Twitter bò kote Canada, Lafrans, ak Unyon Ewopeyèn nan pou yon entèvansyon rapid.

Depatman d'Eta Ameriken li-menm te soti yon nòt nan dat 25 oktòb 2021 ki lonje dwet sou ogmantasyon kriminalite sou zile a ke tou 2 peyi yo pataje. Men gen plizyè expè ak analis ki di ensekirite ki gen nan 2 peyi yo pa egal ego.

Devan not Depatman Deta fè a sou 2 peyi yo, Minis Afè etranje Ayisyen-an Claude Joseph lanse yon apel bay otorite dominikèn yo pou yo travay ansanm kont ensekite nan 2 pati zile-a.

Sen Domeng fache! Minis Enteryè Jesus Vasquez kalifye deklarasyon chef diplomasi aysyèn nan manke sajès . E kòm reyaksyon , otorite dominikèn yo kanpe pwosesis viza pou etidyan ayisyen an Repiblik Dominikèn yo.

Dapre nouvel ki soti nan lapres dominikèn, otorite peyi vwazen ta deplwaye depi plis pase 12,000 solda sou fwontyè li pataje ak Ayiti a, akoz kriz ayisyèn-nan ki ap pran plis elan chak jou.

Pandansetan aktivite komèsyal sou fwontyè ayisyano-dominiken toujou ap kontinye.

Yon konfli vèbal eklate sou rezo sosyal twitter ant otorite ayisyen ak dominiken
please wait

No media source currently available

0:00 0:02:29 0:00

Dapre espesyalis yo, konfli diplomatik ant Ayisyen ak Dominiken ka gen konsekans sou kesyon imigrasyon ak echanj komèsyal k ap fet ant 2 peyi vwazwen yo . N ap suiv .

XS
SM
MD
LG