Eksplozyon yon machin pyeje ak atak ame ki fèt nan kapital Afganistan an, Kaboul, touye e blese plizyè douzèn moun. Rebèl Taliban yo pran responsabilite pou atak kamikaz la ki, dapre yo, te vize sa yo rele sant lojistik e mekanik Ministè defans la.
Moun ki rete nan zòn nan fè konnen yo te tande bri eksplozyon-an nan yon pati nan sant vil la nan moman kote te gen anpil aktivite; eksplozyon an voye yon pakèt la fimen nwa sou Kaboul.
Potpawòl ministè enteryè a, Nasrat Rahimi, di fòs espesyal Afgan yo rive kote atak yo fèt la e yo lanse yon operasyon pou netralize asayan yo.