Sa fè yon ane depi yon bilding rezidansyèl ki sitye bò lanmè nan Surfside, Florid efondre epi touye 98 moun.
Champlain Towers, ki te gen 12 etaj te tonbe desann epi kite yon gwo pil debri. Se youn nan efondman pi grav ki rive nan listwa peyi Etazini.
Yo te rann omaj a viktim yo Vandredi nan divès seremoni ki dewoule nan zòn kote operasyon sekou yo te dire 2 semèn.
Se sèlman 2 tinedjè ak yon dam ki soti vivan. Lòt moun te kouri kite pati bilding nan ki pat efondre.
Premye dam Jill Biden te pami moun ki te pran la pawòl pandan evenman Vandredi a.
