Nan Miyami, pi presizeman nan katye Little Haiti (Ti Ayiti), depite ameriken Frederica Wilson te rankontre ak laprès, nan jounen jedi 23 septanm 2021 an, pou l te bay opinyon li sou sitiyasyon an nan zòn Del Rio, o Tegzas, kote laprès toupatou nan peyi a ak rès mond la montre imaj gad fwontyè ameriken k ap maltrete migran ayisyen ki te rive nan zòn nan an pasan pa Meksik. Sete yon okazyon pou Madam WiIson montre kijan imaj sa yo deranje li e li lanse apèl bay administrasyon Biden nan pou mande l fè efò pou l pwojte yon lòt vizaj Lèzetazini nan lemond. Nan menm apèl sa a, Depite Wilson mande Prezidan Biden chache mwayen pou l rezoud pwoblèm imigrasyon ayisyen yo ap konfwonte.
Klike sou lyen ki vini apre a pou w suiv yon repòtaj Serge Michel.
