Nap komanse ak bon nouvèl la: Pa gen mank kodenn antye Ozetazuni pou fèt Aksyon de Gras la. Men kodenn sa yo - epi lot bagay Ameriken renmen manje avè'l, tankou sos kanbèrj, tart, elatriye - taka koute pi chè ane sa a.
Biwo Bitasyon Ameriken an estime yon repa fèt Aksyon de Gras pou 10 moun pral koute $53.31 ane sa a. Sa reprezante yoon ogmantasyon 14% ak pri li te koute ane pase a.
Direktè konpayi Butterball, ki espesyalize nan kodenn, Jay Jandrain di travay, transpo, manje pou kodenn yo ogmante anpil - e pri a rete byen wo. Gen kèk sipèmache kap ofri rabè sou kodenn, men ekspè yo di rabè sa yo pap tèlman kouran ane sa a paske magazen yo tou ap fè fas ak konsekans enflasyon.
