Accessibility links

Breaking News

Vyolans nan Afganistan Pran Lavi yon Majistra Kominal


Ghulam Haider Hamidi
Ghulam Haider Hamidi

Ghulam Haider Hamidi, majistra kominal vil Kandahar la nan peyi Afganistan, pèdi lavi l mèkredi 27 jiyè a apre yon kamikaz sote eksplozif li te genyen nan turban li e touye misye Hamidi.

Mouvman Taliban an revandike lanmò majistra a ki, dapre yon pòtpawòl Taliban, pèdi lavi l paske li ta responsab lanmò 2 timoun ki te swadizan pèdi lavi yo pandan otorite yo t ap demoli kèk kay yo di moun te bati san otorizasyon.

Nouvèl yo fè konnen Hamidi te nan yon reyini ak administre li yo nan Kandahar pou regle yon “hing-hang” pou tè nan moman atak la. Otorite yo di bonbis la te kache eksplozif yo nan “turban” afgan yo an jeneral genyen sou tèt yo a.

Lanmò Hamidi rive sèlman 2 semèn apre demi-frè prezidan Afghan an, Hamid Karzai, te pèdi lavi l anba bal yon asasin lakay li, nan menm vil Kandahar la.

Vyolans lan ap vale teren nan Afganistan nan moman afgan yo ap prepare yo pou yo pran kontwòl kesyon sekirite a nan men Lèzetazini ak fòs L’OTAN ap dirije yo.

XS
SM
MD
LG