Nan Yemen, temwen nan kapital peyi a, Sana’a di sòlda gouvènman an bonbade yon bilding gouvènman an kote yo sispèk ofisye lame a chanje kan, yo al fè pati opozisyon an.
Bonbadman sa a fèt pandan lese-frape t ap dewoule nan kapital la ant sòlda ki an favè gouvènman an ak sa yo ki fidèl anvè Sheik Sadeq al-Ahmar, yon chèf tribi opozisyon an.
Responsab medikal yo ak temwen yo di omwen 9 moun mouri nan batay ki fèt madi 31 me 2011 la ak mèkredi 1er jen 2011 la.
Nan vil Taiz nan sid Yemen, fòs sekirite yo tire sou manifestan anti-gouvenmantal yo ; yo touye 4 moun. Omwen 25 lòt moun mouri nan vyolans nan Taiz nan jou ki pase yo.