Accessibility links

Vizit Prezidan Obama nan Sidès Lèzetazini

  • Jean Robert Philippe

Prezidan ameriken an Barack Obama ki kanpe bò kote gouvènè Alabama Robert Bentley ak senatè Richard Shelby

Prezidan ameriken an Barack Obama ale nan Sidès Etazini pou l konstate dega yon seri tònad vyolan ak tanpèt fè nan eta Alabama kote plis pase 300 moun mouri.

Msye Obama rankontre responsab lokal yo ak rezidan nan Tuscaloosa kote plizyè katye detwi ak 36 moun pou pipiti mouri pami yo 2 etidyan inivèsite Alabama.

Eta Alabama sibi plis dega nan tanpèt Mèkredi a. Anviwon 2 mil sòlda gad nasyonal deplwaye nan eta a pou asiste sekouris lokal yo nan efò pwòpte yo.

Prezidan Obama siyen yon deklarasyon byenta nan sware jedi 28 avril 2011 la pou l deklare eta a kòm yon zòn kote gen dezas pou rann li elijib pou l resevwa asistans federal pou rezidan, sektè dafè ak gouvènman lokal yo.

XS
SM
MD
LG