Accessibility links

Breaking News

Ayiti: Plizyè Anseyan Resevwa yon Fòmasyon nan Domèn Risk ak Dezas


Plizyè mou ki nan yon kamyonèt pandan pasaj siklòn Matthew nan Pòtoprens. Foto achiv: REUTERS/Carlos Garcia, 4 oktòb 2016.

Ministè Enteryè remèt yon sètifika patisipasyon bay plizyè edikatè pami yo: direktè, sansè ak pwofesè lekòl pou patisipasyon yo nan yon seyans fòmasyon 4 jou li tap òganize sou jesyon risk ak dezas e ak jesyon konfli ki pran fen jedi 26 avril 2018 la.

Minis Enteryè ak Kolektivite Teritoryal la, Reynaldo Jean Marie Brunet, ki te pran lapawòl nan kloti pwogram nan di fòmasyon sa a gen anpil enpòtans pou administrasyon li an kote youn nan objektif li se sansibilize popilasyon an sou metòd prekosyon risk ak dezas. Li di tou li salye inisyalitv la ki vize fòme anseyan yo. Minis Brunet kontinye pou l di li ap bay tout sipò li pou gen lòt fòmasyon konsa ki fèt ankò sou tout teritwa peyi Dayiti.

Bò kote pal Direktè Jeneral Ministè Enteryè a, Fednel Monchery, pwomèt pou l kontinye travay pou ranfòse sèvis Pwoteksyon Sivil yo atravè peyi a. Mesye Monchery voye yo gwo kout chapo pou òganizasyon non gouvènmantal Vivario, ki bay 15 mil dola ameriken pou fè te fòmasyon.

XS
SM
MD
LG