Accessibility links

Breaking News

Vis Prezidan Harris Diskite sou Peman Egal Ego ak Manm Ekip Foutbòl Nasyonal Feminen Etazini


Jwez foutbol Alex MOrgan pale ak Vis Prezidan Kamala Harris pandan lot manm ekip nasyonal la ap koute, pandan yon fowom Lamezonblanch oganize sou Peman Egal Ego nan Washington, Madi 15 Mas, 2022.

Vis Prezidan Kamala Harris fe chita tande ak manm aktyel ak ansyen manm Ekip Nasyonal Foutbòl Etazini an sou kestyon salè egal ego pou fanm kou gason Ozetazini.

" Byen antandu ou tout se chanpyon ki dominen spò foutbòl feminen an men jodia nou ansanm paske nou se lidè nan yon domèn ki afekte prèske tout fanm kap travay - kestyon salè egal ego a," vis prezidan an deklare.

Forom sa a te fè pati yon seri evenman Lamezonblanch patwone pou make Jounen Peman Egal Ego a, kote li pran nouvo mezi ki vize mete fen nan diferans nan salè gason ak fanm ki anplwaye pèmanan ak sa yo ki gen kontra ak gouvènman Ameriken an.

"An jeneral lè yon fanm ap goumen pou peman egal ego nan nempot ki endistri -si yon moun vle touche yon salè ki baze sou valè travay li fok li mennen pwosè, fòk tribinal la entèveni, lwa peyi a mande pou'l fè travay li chak jou, kèlkeswa sa li ye nan kèlkeswa endistri epi jere pwosè a," Madan Harris deklare.

Vis Prezidan Harris te diskite ak jwèz yo pwosè yo mennen kont Federasyon Foutbòl Etazini a pou mande salè nan menm nivo ak mesye yo, ke yo te ranpòte. Federasyon an te peye jwèz yo $24 milyon pou kite tonbe pwosè a.

"Mwen renmen jan nou tout te panse ak aksyon sa a an tèm de enpak li sou jenerasyon sa a, moun ki te oblije pran yon manchèt epi eseye divès bagay pou atèn jistis epi nouvo jenerasyon an vreman apresye sa e yap aplike e kontinye travay sa a," Vis Prezidan Harris deklare.

Margaret Purce, manm ekip nasyonal Etazini an te dakò.

"Mwen kwè vre pouvwa ekip sa a se pa ke nou te akonpli yon chanjman men pito ke nou bay lòt moun ki vle pousuiv chanjman yon bourad. Li klè ke pwosesis sa a se rezilta fanm plizyè jenerasyon. Mwen kwè se yon leson. Sa montre ke lè ou pousuiv sa ki bon, lòt moun va pote kole avèw e kontinye pou atenn plis pase sa ou te imajine," Purce deklare.

Viz Prezidan an te mande jwèz vedèt Megan Rapinoe rakonte leson li aprann nan men medam kap travay nan lòt endistri yo.

"Mwen senpatize ak travayè sendika Alabama yo, e yomenm yo senpatize ak ekip nou an," Rapinoe deklare. "Se menm bagay la paske nou tout ap fè fas ak menm defi a. Donk mwen kwè pou nou, si nou ka konekte istwa nou yo, epi konekte youn ak lòt, plis nou fè sa se plis sa bay jefò a jarèt. Mwen kwè se sa ki pral debouche sou siksè. "

Rapinoe chante lwanj vis prezidant la tou pou jan li fè istwa kom premye fanm ki okipe pòs sa a.

"Mwen pap rate opòtinite sa a setenman premye fwa mwen janm ka di Madan Vis Prezidant. Se enkwayab. E malgre sa pa gen anyen pou we ak peman egal ego, mwen kwe li gen anpil pou we ak chanjman nap chache a," li deklare.

Facebook Forum

XS
SM
MD
LG