Accessibility links

Breaking News

Vil Okap Akeyi an Granmoun 16e Edisyon Festival PAP Jazz


Pefomans Phyllisia Ross pandan festival PAP Jazz la nan vil Kap Ayisyen, 22 Janvye 2023.

Soti 20 pou rive 22 janvye 2023, Vil Cap-Haitien te cho avèk Festival PAP Jazz, gwo evenman kiltirèl ki fèt chak ane. Pou 16e edisyon an, festival la te ateri nan dezyèm vil peyi, yon kote inedi nan istwa festival la, ki toujou te konn fèt nan lakou Port-au-Prince.

Pou ane sa, òganizatè yo te deside delokalize festival Jazz la e mete li nan site wa Henry Christophe la, kote atis ayisyen tankou atis etranje te vin pèfome.

Oganizate Festival PAP Jazz la, Milena ak Joel Widmaer.
Oganizate Festival PAP Jazz la, Milena ak Joel Widmaer.

"Festival PAP Jazz gen yon vokasyon touristik " dekare Milena Widmaer, youn nan òganizatè festival la ki tap reponn kesyon poukisa Festival la se o Cap Haitien li fèt ane sa.

Pou entreprenè, Festival se yon evènman entènasyonal ki ka fèt nan nenpòt vil nan peyi a.

Ane sa sete sou "Boulvard Carénage" kote plizyè santèn fanatik jazz ak meloman te reyini pou vin pran plezi yo epi danse Jazz pandan 2 jou (vandredi ak Samedi) avan yo te klotire dimanch swa nan yon bèl fèt esklizif.

Batè Fransè a Damian Schmitt pandan festival PAP Jazz la nan vil Kap Ayisyen, Ayiti, 22 Janvye 2023.
Batè Fransè a Damian Schmitt pandan festival PAP Jazz la nan vil Kap Ayisyen, Ayiti, 22 Janvye 2023.

Pou premye jou a, batè Fransè a Damian Schmitt, chantèz Melissa Dauphin ak Band Rara Pay Kawòt te chofe beton an. Boulva a ki te byen sekrize pa lapolis, te plen ak moun ki tap danse epi amize yo pandan atis yo tap jwe.

Dezyèm jou a se te pwen kilminan festival la : te gen bèl atelye kote atis yo tap reponn kesyon patisipan yo; te gen bèl pwojeksyon fim tou pou pèmèt patisipan yo reflechi e aprann sou lakilti.

Apre yon premye jounen reyisi e yon matine trankil, Phyllisia Ross ta pral met dife sou Boulva a ak yon prestasyon tèt chaje. Atis la ki te abiye tou de nwa, kraze beton an kote tout moun tap vole anlè epi chante an kè ak atis la.

Yon bèl espektak, pou yon bèl festival ki dewoule san okenn ensidan nan vil la.

XS
SM
MD
LG