Vil Medellin, nan peyi Kolonbi, ap akeyi 49e Asanble òdinè Oganizasyon Eta Ameriken yo (OEA) soti 26 pou rive 28 jen 2019 la. Tèm ki retni pou sesyon sa a se “ Inovasyon pou ranfòse Milti-Lateralism sou kontinan ameriken an.
Asanble Jeneral la se ògan siprèm òganizasyon rejyonal la e li gen yon pakèt pouvwa tankou: deside aksyon jeneral ak politik òganizasyon an, li detèmine estrikti ak fonkstyon lot ogan yo e li egzamine tout kesyon ki gen relasyon amikal ant peyi manm yo.
Eveneman sa a dewoule chak ane lakay youn nan 35 peyi manm òganizasyon emisferik la. Ane pase, li te fèt Ozetazini, an 2017 o Meksik e an 2016 li te dewoule an Repiblik Dominikèn. OEA genyen 70 manm obsèvatè.
OEA , nan misyon l soutni jefò eta manm li yo deplwaye pou redui lamizèe asisre devlopman ekonomik. Li vle kontribye tou nan ranfòsman demokratik ak bòn gouvènans sou kontinan e li travay pou fè fas ak menas pou sekirite kontinantal e kowopere pou dwa sitwayen nan rejyon an.
49èm Asanble Jeneral OEA ap dewoule nan moman genyen yon pakèt kris nan emisfè a: Kriz elektoral nan Gwatemala, kriz politik nan Nikagwa ak Ayiti, san bliye sityasyon an o Venezuela ki mete fas a fas 2 lidè 2 kan, Nicolas Maduro, yon prezidan konstete ak lidè opozisyon an e prezidan asanble Nasyonal la Juan Guaido ki gen soutyen anviwo 50 peyi, pami yo Lèzetazini ki you tout konsdidere l kòm lidè lejim peyi a.