Accessibility links

O Venezuela: Gouvènman an Kalifye Aksyon yon Gwoup Militè Ki Di yo an Rebelyon Kont Prezidan Maduro Kòm yon Zak Teworis

  • Ekip Sèvis Kreyòl VOA

Yon nonm kap mache ak drapo venezuelyen pandan yon manifestasyon kont Prezidan Nicolas Maduro Karakas, Venezuela, 29 jiyè 2017.

Yon gwoup militè ki fè pati 41e Brigad Naguanagua nan eta Carabobo o Venezuela deklare bonè dimanche maten 6 out 2017 la yo antre en rebelyon kont rejim Prezidan Nicolas Maduro a. Nouvèl yo fè konnen gwoup militè sa a, te fè fas ak otorite fòs zame venezuelyen nan.

Yon videyo kap sikile sou rezo sosyo yo montre gwoup militè rebèl 41 brigad la ki kanpe an bandisyon pandan youn nan yo tap fè deklarasyon nan laprès.

Sepandan, gouvènman Venzuela a kalifye evenman an tankou yon zak teworis kote yo fè konnen yo deja mete anba kòd plizyè nan militè rebèl yo.

XS
SM
MD
LG