Accessibility links

O Venezuela: Prezidan Maduro Menase pou l Arete Jij Kou Siprèm Opozisyon an

  • Ekip Sèvis Kreyòl VOA

Prezidan Venezuelyen an, Nicolas Maduro, pandan li tap pale nan ti koze anba tonèl li fè chak semèn yo rele "Los Domingos con Maduro" Karacas, Venezuela, 23 jiyè 2017.

Prezidan Venezuela a, Nicolas Maduro menase pou l mete nan prizon nouvo jij kou siprèm Asanble Nasyonal la ke opozisyon ki domine palman an nome a.

Mesye Maduro deklare: “Semèn pwochèn nan, yo gen pou anonse yo pral nome yon nouvo Konsey Elektoral, kòmkwa ki fò, men pito ki enkonstitisyonel , ki ilegal, yon seri moun ki volè tit. Yo prale nan prizon youn pa youn. Yo tout pral nan prizon e yo tout pral wè leta jele tout avwa yo, tout kont an bank yo, tout bagay yo. E yo pap gen pèsonn pou defann yo.”

Prezidan Maduro pale konsa nan televizyon, kote li atake vèbalman Prezidan ameriken an, Donald Trump, ak plizye lòt lidè nan rejyon Amerik Latin nan pou deklarasyon yo te fè kont pwojè li genyen pou l bay Venezuela yon lòt konstitisyon.

Dimanch 16 jiyè 2017 pase a, plis pase 7 milyon elektè te patisipe nan yon referandòm ki pat ofisyèl e ke opozisyon an te òganize kote 98 pousan elektè yo vote pou denonse mank lejitimite rejim Prezidan Nicolas Maduro a.

XS
SM
MD
LG