Accessibility links

Breaking News

Konseye Prezidan Trump pou Afè Emisferik yo, Mauricio Claver-Carone, Fikse Pozisyon Washington Parapò ak Venezuela


Mauricio Claver-Carone, direktè prensipal biwo pou emisfè oksidantal nan Konsèy Sekirite La Mezon Blanch la, konseye Prezidan Trump.

Direktè biwo pou emisfè oksidantal nan Konsèy Sekirite Nasyonal La Mezon Blanch la, Mauricio Claver-Carone, bay kolèg nou nan sèvis lang espayòl la, Bricio Segovia, yon entèvyou kote konseye a santre atansyon li totalman sou sitiyasyon an nan Venezuela. Nan okazyon sa a, Misye Claver-Carone touche anpil aspè kriz k ap devlope nan peyi sid-ameriken an. Li di, antwòt:

“Lezetazini pare pou l mete tout garanti a la dispozisyon Nicolas Maduro si li vle fasilite yon tranzisyon pasifik nan Venezuela… Maduro reprezante yon blokaj pou demokasi nan Venezuela; e Washington kenbe tout opsyon sou tab la. Pami opsyon sa yo gen plis sanskyon ki kapab genyen move konsekans sou sektè petwolye a.”

Pou kounyea, daprè konseye prezidansyèl Mauricio Claver-Carone, “otorite ameriken yo ap tann pou Juan Guaido nonmen reprezantan diplomatik li yo… epi kòmanse aplike Atik 333 konstitisyon an pou l òganize eleksyon demokratik nan Venezuela. Konseye prezidansyèl la ensiste pou l di Nicolas Maduro genyen yon chans a-pa e serye pou l aksepte yon tranzisyon pasifik epi jwenn yon mwayen pou l wete l kò l. Malgre dezas ekonomik ki egzisite o Venezuela a, Lèzetazini dispoze totalman travay avèk Maduro e ak gwoup Maduro a pou ede peyi a antre nan yon pwosesis demokrasi, libète ak pwosperite.”

Sitiyasyon an nan Venezuela kreye kriz nan kazèn yo tou.
Sitiyasyon an nan Venezuela kreye kriz nan kazèn yo tou.

Pou sa ki gen rapo a wòl Fòzame Venezuelyèn yo nan peryòd tranzisyon an, konseye Claver-Carone di Lavwadlamerik:

“Lame venezuelyèn nan gen yon opòtinite pou l pwoteje lòd konstitisyonèl la. Yon fòzame pa ta dwe janm genyen pou l jwe wòl egzekitan volonte yon grenn moun, yon moun ki pa t menm elu; an plis de sa, moun nan pa ta dwe janm redefini wòl lame pou fè l ap kraze-zo pwòp pèp li ankò. Poutèt sa, mwen espere militè yo va pran dispozisyon pou yo pwoteje lòd konstitisyonèl la, apresye òf amnisti a epi pwoteje kòmandan-an-chèf konstitisyonèl yo a ki se Juan Guaido.”

XS
SM
MD
LG