O Venezuela, otorite sèvis sekrè yo arete, madi 25 jiyè 2017 la, 2 lòt jij ke palman an, ki anba kontwòl opozisyon an, te nonmen malgre pezidan Nicolas Maduro pat dakò ak nominasyon yo.
Non 2 jij sa yo se: Jesùs Rojas Torres ak Zuleina Gonzalez. se 2èm e 3èm jij opozisyon an te nonmen ke rejim Maduro a arete. Samdi pase a, lapolis sekrèt te poze arestasyon jij Angel Zerpa. Nan menm wikenn nan, Prezidan Nicolas Maduro te fè yon diskou televize kote li te menase pou l fè mete jij sa yo anba kòd.
Nan menm diskou a, Mesye Maduro te atake vèbalman Prezidan ameriken an, Donald Trump, ak divès lidè latino-ameriken, poutèt yo pale piblikman pou kritike e denonse plan otorite Karakas yo genyen pou fè re-ekri konstitisyon venezuelyèn nan.