Accessibility links

Vatikan Pibliye yon Dekrè Kont Blanchiman Lajan

  • Coralie Saint-Louis

Vatikan Pibliye yon Dekrè Kont Blanchiman Lajan

Vatikan an kreye yon ajans tou nèf pou sipèvize finans li e li anonse li pral mete an aplikasyon lòt règleman pou konfòme li ak efò entènasyonal k ap fèt pou konbat blanchiman lajan ak finansman zak teroris.

Pap la te siyen yon dekrè nan sans sa a nan fen ane 2010 la, 3 mwa apre polis finansyè italyèn te sezi avwa Vatican an ki te monte reive 30 milyon dola e yo te ouvè ankèt sou Prezidan Bank Vatican an, Ettore Tedeschi, ak PDG enstitisyon an, Paolo Cipriani anba envestigasyon poutèt yo te sispèk 2 mesye yo te vyole law finans entènasyonal yo.

Akizasyon an te fè konnen, pi presizeman, Tedeschi ak Cipriani te vyole lwa ki mande pou bank yo byen konnen ki kote lajan kliyan yo depoze sòti. Tou lè 2 nèg yo rejte akizasyon sa a.

Yon pòtpawòl Vatikan an, Frederico Lombardi, fè konnen dekrè Pap Benwa 16 siyen sou nouo regleman finansyè yo pa genyten okenn rapò ak ankèt otorite Itali yo fè ouvè sou Bank Vatikan an.

Daprè laprès italyèn, bank la (ki te pote non Enstiti pou Travay Relijye) te konn fè transfè lajan kob san li pat idantifye moun ki tap resevwa kob la, oubyen li pat chache konnen larezon dèt yon transfè, jan lwa italyèn sou fonksyonnman bank yo mande sa a.

XS
SM
MD
LG