Accessibility links

Kourè Jamayiken Usain Bolt Domine Kous 100 Mèt la nan Rio

  • Ekip Sèvis Kreyòl VOA

Jezolenpik Rio 2016: Kourè jamayiken Usain Bolt ranpòte yon lòt meday dò nan Jezolenpik dete yo kap dewoule nan vil Rio de Janeiro, o Brezil, kote se li ki genyen kous 200 mèt la. Kous sa a dewoule nan fen jounen jedi 18 out 2016 la. Li te pran li 19 segond 76 pou l travèse liyn darive a, swa yon demi segond an plis rekò mondyal li te tabli a; men li fini kous la yon ka segond anvan advèsè ki rive nan 2èm pozisyon an, Kanadyen André De Grasse.

Usain Bolt (JAMAYIK) ki tap gade Andre De Grasse (KANADA) pandan atlèt yo tap kouvri distans 100 mèt la nan Rio jedi 18 out 2016 la.
Usain Bolt (JAMAYIK) ki tap gade Andre De Grasse (KANADA) pandan atlèt yo tap kouvri distans 100 mèt la nan Rio jedi 18 out 2016 la.

Daprè dekarasyon atlèt karayiben an fè nan laprès, Olenpyad Rio yo se dènye konpetisyon olenpik dete li- antou ka, pou sa ki konsènen distans 200 mèt la. Aprè kous la, Usain Bolt fè konnen li kontan poutèt li pran yon lòt meday dò; men li ta pi kontan toujou si li te kouvri distans la nan yon tan ki pi kout toujou.

Pou le moman, Usain Bolt ranpòte 3 meday dò olenpik youn aprè lòt ni pou kous 200 mèt la, ni pou kous 100 mèt la. Nan fen jounen vandredi 19 out la, li pral dèyè yon 3èm meday dò youn apre lòt tou nan kategori kous 4x100 mèt relè a. Si li ranpòte kous sa a, lap tou ofri tèt li yon bèl kado, paske vandredi fè misye 30 tan egzatteman.

XS
SM
MD
LG