Accessibility links

Prezidan Trump Demanti Nouvèl Ki Fè Kwè li Te Mande pou Ogmante Asnal Nikleyè Etazini 10 Fwa Lavalè

  • Ekip Sèvis Kreyòl VOA

Prezidan ameriken an, Donald Trump, pandan li tap pale nan Mezon Blanch , 10 oktòb 2017.

Prezidan Donald Trump rejte a kom manti tou pi, yon nouvèl stasyon televizyon NBC difize komkwa sa gen kek mwa li te mande pou yo ogmante lasnal nikleyè Lezetazini an 10 fwa lavalè epi li ta poze kesyon pou l mande si lè a pa rive pou gouvenman an revoke lisans rezo televizyon NBC genyen pou l fonksyone nan peyi a.

Komantè Mesye Trump te fè sou dimansyon lasnal Lèzetazini an ki gen 4 mil zam niklelyè ladann jounen jodi a, se yon deklarasyon ki vini pandan lidè ameriken an tap fè yon rankont nan Pentagon nan kidonk Depatman Defans la ak pi gwo otorite militè e responsab sekirite nasyonal peyi a nan mwa Jiyè pase a. NBC te itilize pawol 3 moun ki te prezan nan rankont la te rapote sou kesyon-an pou l alimante repotaj li a.

The Committee to Protect Journalists, yon gwoup kap defann dwa jounalis Ozetazini fè konnen deklarasyon lokatè Mezon Blanch lan fè a pou l mande si lè a pa ta rive pou revoke lisans televizyon NBC a, ouvè pòt pou lòt antite gouvènmantal nan lòt eta ta kòmanse pèsekite jounalis.

XS
SM
MD
LG