Accessibility links

Etazini: Prezidan Trump Fè Konnen li Tap Bat Sekretè Deta Rex Tillerson nan Konpetisyon sou Tès Entelijans

  • Ekip Sèvis Kreyòl VOA

Prezidan ameriken an Donald Trump pandan li tap pale ak manm Asosyasyon Nasyonal Manifakti yo

Apre nouvèl ki fè konnen prensipal diplomat peyi a te kalifye prezidan ameriken an an kòm “estipid," Mesye Trump di si l tap patisipe nan yon konpetisyon sou entèlijans ak Rex Tillerson se li ki tap genyen.

Chèf Diplomasi ameriken an, Rex Tillerson.
Chèf Diplomasi ameriken an, Rex Tillerson.

“M panse se fo nouvèl, men si l ta di sa, mwen kwè fòk nou ta konpare tès entelijans. E mwen ka di nou kilès kap genyen," se sa Mesye Trumpp te di nan yon entèvyou magazin Forbes ki parèt madi 10 oktòb 2017 la.

Nan jou pase yo, Mesye Tillerson te reafime angajman li ak Mesye Tump, men li pa demanti ke l te di pawòl sa a. Li te deklare li pa pwal sèvi pou divize administrasyon sa a.

Mesye Tillerson pran distans li ak kèk nan deklarasyon konnsène politik afè etranjè, antwòt atak Prezidan an kont lidè Kore di Nò a Kim Jong Un e sou kesyon pou konnen si Etazini ta dwe negosye ak Pyongyang pou fè l redui nan devlopman zam nikleyè li yo.

XS
SM
MD
LG