Accessibility links

Breaking News

Menas Kore di Nò a nan Tèt Kalandriye Prezidan Trump Kap Fè yon Vire Won ann Azi


Prezidan Etazini an, Donald Trump, pandan li tap pale nan baz militè ameriken an nan Yokota Air Base nan Fussa, Tokyo, 5 novanm 2017.

Prezidan ameriken an, Donald Trump, kite Washington vandredi 3 novanm 2017 la pou yon virewon 12 jou kote lap vizite 5 peyi sou kontinan azyatik la, nan moman tansyon yo ap ogmante sou Preskil Kore a.

Misye Trump ap fè vwayaj sa a apre sondaj yo te montre Kore di Nò reprezante menas ki pi imedya pou Lèzetazini. Nan dat 7 ak 8 novanm, lidè ameriken an gen pou l ale nan Kore di Sid, nan kad 2èm etap toune lap fè an Azi a.

Pandan chita-pale li ak prezidan sid koreyen an, Moon Jae-In, e divès lòt lidè mondyal, obsèvatè yo prevwa Mesye Trump pral abòde dosye Kore di Nò a, pou l eksplike kòlèg azyatik li yo kijan li konte jere doye nò koreyen an, fòse rejim lidè Kore di Nò a, Kim Jung-Un, sispann fabrikasyon misil balistik ak zam nikleyè li a.

XS
SM
MD
LG