Accessibility links

Lèzetazini Enpoze Sanksyon sou 8 Bank ak 26 Otorite Bankè nan Kore di Nò

  • Ekip Sèvis Kreyòl VOA

Moun kap gade pandan yo nan yon estasyon tren nan Pyongyangyon yon misil balistik Kore di Nò tire. (Foto: AP/Jon Chol Jin)

Minis trezò ameriken an, Steven Mnuchin di: “Desizyon sa a ranfòse estrateji nou pou nou izole Kore di Nò plis toujou, pou gen yon Preskil Kore san zam nikleyè."

Lèzetazini enpoze sanksyon sou 8 bank ak 26 otorite bankè nan Kore di Nò nan moman tansyon an ap monte ak Washington ak Pyongyang akoz pwogram nikleyè nò-koreyen an.

Sekretè Trezò ameriken an, Steven Mnuchin. Foto: 21 septanm, 2017.
Sekretè Trezò ameriken an, Steven Mnuchin. Foto: 21 septanm, 2017.

Nan yon deklarasyon minis trezò ameriken an, Steven Mnuchin, fè parèt, li di: "Desizyon sa a vin ranfòse estrateji nou pou nou izole Kore di Nò plis toujou dekwa pou n reyalize objektif nou, ki se yon Preskil Kore pasifik e san zam nikleyè."

Semèn pase a Prezidan Donald Trump te siyen yon dekrè ki mande nouvo sanksyon kont kèk moun ak antrepriz kap finanse komès avèk rejim kominis izole nò-koreyen an ak pwogram devlopman zam li a.

Pandan Prezidan Trump te pran lapawòl madi 26 septanm nan nan La Mezon Blanch, li deklare: “Kounye a se tout peyi ki dwe pase alaksyon pou yo fòse Kore di Nò kowoperee ak plan denikleyarizasyon an.”

Nan menm jounen madi a, minis defans ameriken an, Jim Mattis, te ensiste sou le fèt ke Lèzetazini ap chache yon solisyon pasifik pou tansyon kap monte ant Washington ak Pyongyang nan, menmsi Kore di Nò pretann yon tweet PrezidanTrump te pibliye nan kòmansman jounen lendi a reprezante yon deklarasyon de gè.

XS
SM
MD
LG