Accessibility links

Etazini: Prezidan Trump Di Tout Obsyon yo Sou Tab la Konsènan Dènye Tès Misil Kore di Nò a

  • Ekip Sèvis Kreyòl VOA

Prezidan ameriken an, Donald Trump, ak Premye minis Japonè a, Shinzo Abe pandan Somè G7 nan Taormina, Itali, 26 me 2017.

Lidè ameriken an, Donald Trump fè konnen li pa ekate okenn nan obsyon sou tab negosyasyon yo apre denye tès Misil Kore di Nò lanse byen bonè jounen madi 29 out 2017 la. Misil la ki vole sou tèt peyi Japon, yon alye Lèzetazini sanble se yon misil balistik ak potę entemedyè dapre otorite ameriken yo.

Dapre yon deklarasyon prezidan an e ke Lamezon Blanch pibliye: “Kore di Nò montre mepri li pou vwazen ni yo, pou tout manb Nasyon Zini yo ak pou standa minimòm nan konpòtman mondyal ki akseptab. Japon ak Etazini mande yon reyinyon dijans Konsèy Sekirite Nasyon Zini sou dosye a.”

Prezidan Donald Trump ak premye minis Japonè a Shinzo Abe mete yo dakò yon fwa ankò pou ogmante presyon yo sou rejim Pyonyang nan ki reprezante yon gwo menas sou peyi Japon ak lansman misil sa a. Mesye Shinzo Abe souliye wòl Lachinn ak Larisi ka jwe pou pouse Kore di Nò chanje politik li a.

XS
SM
MD
LG