Accessibility links

Etazini: Lamarin Amerikèn Revoke Kòmandan 7tyèm Flòt li a Akoz Twòp Kolizyon ki Enplike Bato Degè Peyi a

  • Ekip Sèvis Kreyòl VOA

Bato degè ameriken, USS John S. McCain, ki te frape ak bato komèsyal, Alnic MC, semèn pase a kote 10 matlo ta sanble pèdi lavi yo. Otorite lamarin yo jwenn plizyè nan kadav matlo sa yo, e yo kontinye ap chache lòt matlo yo nan lanmè la.

Komandan Flòt rejyon pasifik la, Amiral Scott Swift, voye adjwen li, Joseph Aucoin, ale paske yo pa fè l konfyans ankò pou l okipe pòs kòm kòmandan 7tyèm Flòt Lamarin nan.

Mesye Aucoin te gen pou l pran retrèt li nan mwa janvye pwochen an, men dènye kolizyon an vin akselere depa li nan Lamarin Lèzetani. Antretan, Lamezon Blanch pibliye yon kominike pou prezante kondoleyans li bay fanmi 10 matlo ki mouri yo.

“Nou pral fè yon bonjan evalyasyon sou sitiasyon an, mwen vle genyen miz-ajou tanzantan e li nesesè pou nou pase alaksyon an ijans, e nou dwe aji pou korije pwoblèm nan,” Amiral John Richardson deklare. Ensidan sa a lakoz Lamarin Lèzetazini kanpe tout operasyon flòt pasifik la.

XS
SM
MD
LG