Isit Ozetazini, premye lendi mwa septanm nan, se Labor Day -- ou "Jou Travay" --se jounen kote yo onore travayè yo epi fè konpliman pou kontribisyon yo pote nan ekonomi amerikèn nan.
Jou sa a te vin tounen yon fèt nasyonal ofisyelman nan lane 1894 apre yon seri de efò sendika peyi a te deplwaye. Pandan plizyè dizèn lane, anpil vil te sèvi ak okazyon sa a pou yo mete sou pye yon seri gwo parad pou onore travayè sendike sektè manifakti yo.
Fèt sa a se yon siyal non-ofisyel ki make fen sezon ete a Ozetazini. Pifò anwplwaye ameriken yo gen konje jodi lendi 4 septanm la. Nan kèk kominote, Labor Day la, "Jou Travay la" se dènye jou anvan ane eskolè a komanse pou ti moun yo.