Accessibility links

Breaking News

Anpil Ameriken Estomake Poutèt Imigrasyon Ap Separe Timon ak Paran Kap Travèse Fwontyè a Ilegalman


Moun kap patisipe nan yon manifestasyon devan biwo imigrasyon nan Elizabeth, New Jersey kont ranfòsman lwa imigrasyon ki pèmèt otorite yo separe timoun yo ak paran yo lè yap travèse fwontyè a Etazini ilegalman. ELizabeth, NJ, Etazini, 17 jen 2018.

Minis Jistis ameriken an fè referans ak la Bib jedi pase a pou jistifye nesesitie pou fè respekte la lwa nan sa ki gen awè ak separasyon ant fanmi ak timoun kap travèse fwontyè a san papye, yon sitiyasyon ki non sèlman estomake Demokrat yo men tou kreye yon malèz nan mitan Repibliken yo.

Vandredi pase a nan yon entèvyou ak laprès nan lakou La mezon Blanch Prezidan Trump di li rayi wè separasyon ant paran ak timoun sou fwontyè a. Prezidan ameriken an akize demokrat yo li di ki responsab lwa sou separasyon an. Mesye Trump di se mesye dam Demokrat yo ki te vin ak lwa sa a. Prezidan ajoute, "Map tan Demokrat yo pou mete ansanm ak mwen pou nou kabap jwenn yo solisyon nan kriz imigrasyon a. "

Stephanie Grisham, direktris kominikasyon premye dam ameriken an Melania Trump deklare sou chèn televizyon CNN pou l di Madam Trump rayi wè separasyon ant timoun ak paran yo sou fwontyè a. Premeye dam espere wè yon desizyon sou dosye sa a soti nan Kongrè a avan lontan.

Ansyen Prezidan Bill Clinton ekri sou kont Twitter li pou l di, " Administrasyon Trump la pa dwe itilize timoun yo kòm yon zouti negosyasyon."

Ansyen premyè dam Laura Bush kritike ouvètman politik Repibliken yo kote li di: "Mwen abite non eta tou pre fwontyè ant 2 peyi yo. Mwen konprann nesesite pou pwoteje e ranfòse fwontyè entènasyonal nou yo. Men politik zewo tolerans se yon aksyon ki kriyèl. Bagay sa a fè kèm fèm mal. Madam Laura Bush fè deklarasyon sa a kap viv o Tegzas depi ekri mo sa yo nan yon editoryal ki pibliye nan jounal Washington Post.

Wo komisè NasyonZini pou dwa moun, Zeid Ra'ad Al Hussein, di lendi 18 jen 2018 la, nan chache separe paran ak timoun yo amisntrasyon Trump la ap vyole dwa timoun yo; sa a se yon zak san konsyans."

" Mesye Le Prezidan map di w, moun yo pa pèdi dwa yo kòm moun poutèt yap travèse yon fwontyè san viza, Mesye Zeid ajoute. Li kontinye pou l di, " Mwen deplore politik anpil peyi ki kreye yon seri lwa pou yo pa akeyi moun lakay yo e sa vin ogmante soufrans moun ki pi vilnerab yo nan mond la."

Defan Lwa a

Administrasyon Trump la kontinye wè deba sou kesyon imigrasyon an Ozetazini kòm yon kesyon sekirite kote li lonje dwè sou aktivite manm gang yon seri imigran ki soti nan amerik latin nan e ki vin fè zak vyolans sou teritwa maeriken nan.

Otorite yo separe anviwon 2000 timoun ak paran yo sou fowntyè an nan anviwon 6 semèm, apre minis jistis la Jeff Sessions deklare nan kòmansman mwa a yap arete tout moun kap travèse sou fowntyè ilegalman menm kan yo akonpaye ak ti moun ou pa.

Divize, Repibliken yo sanble finalman prè pou prezante semèn sa 2 pwopozisyon lwa: youn sou yon refòm modere sou lwa imigrasyon yo, yon lòt pou finanse demand Prezidan Trump la ki bezwen 25 milya dola pou kontui yon mi ant Etazini ak Meksik.

XS
SM
MD
LG