Accessibility links

Breaking News

Etazini ak OIM Bay Lapolis 5 Machin Tou Nèf pou Ranfòse Sekirite sou Fwontyè a


Anbasadè Ameriken an Ayiti a, Michele Sison ki tap remèt kle 5 machin tou nèf bay otorite lapolis ayisyèn yo sou fwontyè a. Foto: 12 mas 2018
Ayiti-Kap-Ayisyen: Gouvènman Etazini an ak Òganizasyon Entènasyonal pou Migrasyon OIM fè lapolis ayisyèn, PNH, yon don 5 machin ak lòt ekipman pou sèvis inite Polis Fwontalyè a (POLIFRONT). Don sa a vin ranfòse efò gouvènman ayisyen an nan batay lap mennen kont krim transnasyonal ak mesi pou ogmante sekirite sou fwontyè li yo.

Seremoni sa a te pran plas nan katye jeneral POLIFRONT nan Morne Kas, lendi 12 mas 2018 la nan prezans Anbasadè Etazini an Ayiti a, Michele Sison, Enspektè Jeneral Polis la, Joany Caneus, Direktè depatmantal Polis la, Fritz Saint Fort, ak chèf misyon OIM nan Fabien Sambussy, e ak reprezantan Biwo pou Afè Nakotik ak Ranfòsman lalwa (INL) nan anbasad ameriken an.

Anbasadè Sison ki kontan visite baz POLIFRONT la pandan premye vwayaj li nan depatman Nòdès la salye patenarya OIM nan kad ranfosman sa a. Diplomat ameriken an afime angajman li pou kontinye ranfòse koperasyon ant Etazini ak Ayiti pou sipòte lapolis nan tout nivo. Anbasadè Sison di li rekonèt enpòtans inite sa a ki te kreye pou pote plis sekirite ak estabilite nan peyi a. Li di tou, "Defi kont krim transnasyonal, ki gen ladan trafik moun ak lòt trafik ilegal dwe adrese si Ayiti vle mete sekirite sou fwontyè li yo."

Sa fè 2èm don Ayiti resevwa pou POLIFRONT la kote Etazini kontinye manifeste angajman li pou l asiste Polis Nasyonal la, PNH nan konba lap mennen kont krim transnasyonal sou fontyè a. Nan mwa oktòb 2017, peyi Etazini te deja bay plizyè motosiklèt ak machin tout-tèren nan kad yon kontribisyon 645,000 dola li te bay OIM.

XS
SM
MD
LG