Accessibility links

Etazini Komemore Viktim Atak Teworis 11 Septanm yo

  • Ekip Sèvis Kreyòl VOA

Prezidan ameriken Donald Trump ak Premyè Dam Melania Trump pandan seremoni nan memwa viktim teworis 9 septanm 2001 yo. Washington DC 11 septanm 2017.

11 septanm 2001 a 11 septanm 2017 sa fè 16 zan depi yon atak teworis te fèt isit Ozetazini kote yon gwoup teworis te pran daso plizyè avyon komèsyal ak pasaje epi al kraze yo nan plizyè batiman diferan nan peyi a

3 mil sitwayen pou pipiti te pèdi lavi yo nan atak teworis sa a. Prezidan alepòk la, Georges W. Bush, te deklare lagè kont teworis yo depi lè sa a. 11 septanm 2017, Prezidan Donald Trump ki tap komemore gwo ensidan malere sa ki te rive sou teritwa ameriken an, fè konnen si yon moun atake Etazini, kèlkeswa kote li al kache nan mond lan yo pral dèyè li e yap jwenn li.

Otè entèlektyèl atak teworis 11 septanm 2001 an te pèdi lavi l nan peyi Pakistan nan echanj kout zam ak yon inite espesyal Lame Amerikèn ki te ale dèyè li sou Prezidan Barack Obama ki te pwomèt sil vin prezidan lap trennen kriminèl yo devan lajistis.

Klike sou videyo a pou tande Today In History ou yon Jou Kou Jodi a, 11 septanm 2017 ak Chèf Sèvis Kreyòl Lavwadlamerik la, Ronald Cesar.

XS
SM
MD
LG