Accessibility links

Breaking News

Yon Moun Achte Mayo Maradona Pou Plis Pase $9 Milyon


Des artistes posent avec le maillot porté par le footballeur argentin Diego Maradona lors de la Coupe du monde 1986, avant qu'il ne soit mis aux enchères par Sotheby's, à Londres, le 20 avril 2022.

Se mayo lejand foutbòl Ajantin Diego Maradona te mete sou li nan match li te jwen kont Angletè a nan koup du mond 1986 ke yon moun achte pou prèske $9.3 milyon, e lavant sa a bat tout rekò pou yon mayo espò ki nan koleksyon.

Vant la te fèt nan nan "yon vant piblik" sou entènèt depi 20 avril. Depi lè sa te gen selman yon sèl òf pou anviwon $5 milyon.

Men, vant la te vin pi chofe nan dènye minit yo, ak plizyè lòt òf, jiskaske yo rive nan sòm total $9.28 milyon, ki gen ladan depans yo. Sotheby ki se antite ki te vann mayo a, pa devwale non achtè a oubyen (yo) .

Nan lane 1986, Maradona te chanje mayo li nan fen match la ak millye teren ekip Angletè Steve Hodge, misye te posede mayo sa pou plis pase 35 ane epi li te prete l bay Manchester Museum, pou piblik la te ka gen aksè avel.

Nan match kar de final sa a nan Meksik, nan 51yèm minit nan match la , jis apre yon balon te detounen nan sifas la pa Steve Hodge, kapitènn ekip Ajantin te itilize menl pou li fe gòl la abit la valide l" apres match la Maradona di medya yo ke "men Bondye a", ki te fè gòl.

Apre sèlman 4 minit pita, Maradona fè yon lòt gòl ki pase nan listwa tankou youn nan pi bel gòl ki fèt, Maradona soti nan kan li ak balon an li elimine 4 jwè angle, li pase pra meyè gadyen a lepòk Peter Shilton epi gòl gòl gòl gòl !!!!!!!.

Ajantin te genyen koup du mond lan nan ane 1986 la.

XS
SM
MD
LG