Laturki deside lanse yon ofansiv militè kont rebèl kurd ki nan pati nò peyi Irak, kèk èdtan sèlman apre konbatan kurd te finn touye 24 sòlda e blese 18 lòt nan atak ki fèt nan pati sidès Laturki, e ki toupre fwontyè Irak la.
Nouvèl ki te parèt anvan sa te rapòte lanmò 26 sòlda turk. Nan operasyon sa a gen avyon konba ki soti nan avyasyon militè turk la plis elikoptè k ap transpòte sòlda.
Premye minis Turki a, Recep Tayyip Erdogan, dekri aksyon sa a kòm yon koukouwouj ki respekte limit dwa entènasyonal, apre atak ki fè plis san koule ke kurd yo lanse sou sòlda turk depi plizyè lane.