Accessibility links

Breaking News

Prezidan Trump Ranfòse Apui li pou Retou Stabilite nan Venezuela.


Prezidan Nicolàs Maduro (agoch) epi Prezidan Pwovizwa a Juan Gauidò (adwat).

La Mezon Blanch fè konnen Prezidan Donald Trump ranfòse apui solid li pou efò k ap fèt pou retabli demokrasi nan Peyi Venezuela a nan yon konvèsasyon telefonik li te genyen avèk prezidan pwovizwa peyi sid-ameriken an, Juan Guaidò. Misye Guaidò te pwoklame tèt li prezidan pwovizwa Venezuela nan yon seremoni ki te dewoule mèkredi 23 janvye 2019 la.

Minis kominikasyon La Mezon Blanch la, Sarah Sanders, deklare Prezidan Trump ak Misye Guaidò pran angajman tou pou yo kenbe yon kontak regilye yon fason pou yo apiye yon strateji ki pou ede Venezuela retounen sou wout stabilite epi pou rebati relasyon bilateral ant 2 peyi yo.

Nan kòmansman jounen mèkredi 30 janvye a, lidè ameriken an te di Prezidan Venezuelyen an, Nicolàs Maduro –k ap fè fas ak gwo difikilte- pare pou l negosye avèk reprezantan opozisyon Misye Guaidò ap dirije a pou yo chache rezoud kriz politik la; an menm tan tou Prezidan Trump te bay sitwayen ameriken yo konsèy pou yo pa vwayaje o Venezuela jiska nouvèl òd.

Prezidan Donald Trump (adwat), Prezidan pwovizwa Venezuelyen an, Juan Guaidò.
Prezidan Donald Trump (adwat), Prezidan pwovizwa Venezuelyen an, Juan Guaidò.

Nan yon tweet Lidè ameriken an pibliye byen bonè mèkredi, li fè referans ak òf Maduro fè pou l negosye ak opozisyon an epi òganize eleksyon lejislatif antisipe. Pou plis detay, ale sou adrès Twitter sa a:
[[ https://twitter.com/realDonaldTrump/status/1090566017238093824 ]]

Prezidan Trump fini pa di, si Nicolàs Maduro asoupli pozisyon li konsa, se gras ak menas Lèzetazini fè pou l mete sanksyon sou do Venezuela; pami sanksyon sa yo gen dispozisyon administrasyon Trump la pran pou l bloke tout revni ki pral jwenn peyi a gras a lavant petwòl venezuelyen an.

Serge Rodriguez prepare e prezante yon repòtaj sou lòt pwen nan aktyalite a konsènan Venezuela.

Prezidan Trump Pale nan Telefòn ak Lidè Opozisyon Venezuela la
please wait

No media source currently available

0:00 0:01:54 0:00

XS
SM
MD
LG