Accessibility links

Breaking News

Prezidan Trump ak Prezidan López Obrador Kontan pou Eta Relasyon ant Lèzetazini avèk Meksik


Prezidan Donald Trump avèk Prezidan meksiken an, Andrés Manuel López Obrador, anvan yo te siyen ansanm yon deklarasyon sou rapò komèsyal ant 2 peyi yo nan La Mezon Blanch mèkredi 8 jiyè 2020, nan Washington. (Foto: AP/Evan Vucci).

Prezidan ameriken an, Donald Trump, resevwa kolèg meksiken li a, Manuel Andrés López Obrador, nan jounen mèkredi 8 jiyè a, nan La Mezon Blanch, kote yo fè chita-tande sou domèn echanj komèsyal, ekonomi avèk imigrasyon, kek jou sèlman apre yon nouvo Ako Amerikano-Meksiko-Kanadyen (A-A-M-K) -swa yon Trete Komèsyal ant peyi 2 lidè yo avèk Kanada- te antre an aplikasyon. Yo fè kèk deklarasyon tou sou amelyorasyon rapò ant Lèzetazini avek Meksik.

Pandan Misye Trump te pran lapawòl nan Jaden Woz Mezon Blanch la anvan 2 lidè yo te siyen ansanm yon deklarasyon ki rekonèt pwogrè 2 peyi yo ap reyalize sou wout renouvèlman ak ranfòsman partnership yo, li te deklare:

“Relasyon ant Lèzetazini avèk Meksik pa t janm te pi sere pase jan yo ye jounen jodi a.”

Prezidan Donald Trump ak Prezidan López Obrador ki kenbe kopi yon deklarasyon yo te siyen ansanm nan Jaden Woz Mezon Blanch la nan Washington 8 jiyè 2020 an.
Prezidan Donald Trump ak Prezidan López Obrador ki kenbe kopi yon deklarasyon yo te siyen ansanm nan Jaden Woz Mezon Blanch la nan Washington 8 jiyè 2020 an.

Lidè amerirken an, ki te fè nan le pase kèk deklarasyon manke-dega sou imigran meksiken yo e ki te menase pou l enpoze nouvo tarif sou pwodui komèsyal k ap sòti Meksik, fè konnen li konsidere relasyon 2 peyi yo “kòm rapò ki ekselan” epi li ajoute ke li-menm avèk Prezidan López Obrador “nou plase enterè peyi nou anvan tout bagay.”

Nan repons prezidan meksiken an, li fè konnen li pase yon kwa sou deklarasyon dezoblijan kolèg ameriken li a te fè sou Meksik avèk sitwayen li yo:

“Kòm Prezidan meksiken, olye mwen sonje mank-dega avèk lòt bagay konsa peyi mwen te sibi, nou resevwa nan men ou, Prezidan Trump, konpreyansyon avèk respè.”

Premye minis kadanyen an, Justin Trudeau, te refize yon envitasyon pou l te patisipe nan rankont la ki selebre nouvo akò komèsyal ant Kanada, Lezetazini ak Meksik la. Kòm rezon, li pale de yon pwogram twò chaje li genyen sou ajanda li epi, dapre li, li pa panse li apwopriye pou l fè yon deplasman entènasyonal pandan peyi li twouve l nan mitan pandemi KOVID-19 la.

Nouvo Trete Komèsyal Amerikano-Meksiko-Kanadyen an se yon vèsyon revi, korije e ogmante Akò Lib Echanj Nò-Ameriken (ALENA ou NAFTA) 3 peyi nò-ameriken yo te siyen nan ane 90 yo e li fè pati yon politik Prezidan Trump te pouse anpil. Lidè ameriken an te kritike ansyen akò a ki, daprè li, pa t nan avantaj sektè komèsyal la Ozetazini, li pa t nan enterè travayè ameriken yo.

XS
SM
MD
LG