Accessibility links

Breaking News

Posib Eliminasyon Sitwayènte ke Nesans bay Ozetazini


Prezidan Donald Trump ki t ap pran lapawòl nan yon meeting nan ayewopò vil Murphysboro, nan pati sid Eta Ilinwa, nan dat 27 oktòb 2018 la. (Foto AP/Jeff Roberson).

Prezidan Donald Trump lanse avètisman pou l di li dispoze elimine dwa yon timoun genyen jounen jodi a pou l pran sitwayènte amerikèn depi li pran nesans sou tèritwa Lèzetazini an, menmsi papa l ak manman n se imigran k ap viv ilegalman nan peyi a.

M. Trump fè yon deklarasyon nan sans sa a nan yon seri televize ki pase sou chèn pa kab HBO. Lidè ameriken an fè konnen li kapab chanje sitiyasyon sa a avèk yon dekrè prezidansyèl tou senpleman. Misye Trump fè konnen:

"Yo te toujou di m pou yon chanjman konsa fèt, nou bezwen yon amandman konstitisyonèl. Ebyen, kite me di nou yon bagay: Yon amandman konsa pa nesesè."

Yon manifestasyon nan vil Atlanta, Eta Jòji, an favè dwa imigran.
Yon manifestasyon nan vil Atlanta, Eta Jòji, an favè dwa imigran.

14èm Amandman Konstitisyon Amerikèn nan fè konnen: "Tout moun ki pran nesans Ozetazini, ou ki nasyonalize nan peyi a, e ki soumèt li anba lwa Lèzetazini, se sitwayen peyi a e yo se sitwayen Eta kote y ap viv la."

Sepandan, Prezidan Trump ajoute li pale avèk konseye legal li yo e yo fè l konnen li gen dwa pote chajman an pou kont li, avèk yon dekrè tou senpleman. San pèdi manm Demokrat Kongrè a kondane entansyon lidè ameriken a anonse a e yo ensiste pou yo fè konprann yon dekrè prezidansyèl pa kapab pase sou tèt sa ki di nan kontitisyon an.

Nouvo sitwayen ameriken ki t ap prete sèman nan biwo Sèvis pou Sitwayènte ak Imigrasyon (USCIS) nan yon seremoni natiralizasyon nan Manhattan, New York. (Foto: 3 jiyè 2018).
Nouvo sitwayen ameriken ki t ap prete sèman nan biwo Sèvis pou Sitwayènte ak Imigrasyon (USCIS) nan yon seremoni natiralizasyon nan Manhattan, New York. (Foto: 3 jiyè 2018).

Tout tantativ Prezidan an ta fè pou l mete fen nan sa ki rele "Sitwayènte gras ak nesans la>> kapab pwovoke yon batay; nan mitan batay sa a nou kapab jwenn kontitisyon amerikèn nan li-menm; e petèt tou yon gwo opozisyon nan Kongrè a.

Epesyalis yo fè konnen pou gouvènman ameriken an pote chajman nan yon amandman konstitisyonèl, sa ta mande apui 2 tyè manm chanm Depite a ak 2 tyè manm Sena a, mete sou vòt 3 ka manm palman chak eta nan yon konvansyon konstitisyonèl

XS
SM
MD
LG