Accessibility links

Breaking News

Kanada-Imigrasyon: Plizyè Milye Imigran Ayisyen sou Depòtasyon


Ayisyen ki te travèse ilegalman fwontyè Lèzetazini ak Kanada nan zòn Roxham Road, Champlain, New York, pou yo te antre sou tèritwa kanadyen an. (Foto Achiv: 3 out 2017).

O Kanada, otorite yo pran dispozisyon pou yo depòte pi fò imigran ayisyen ki te kite Lèzetazini pandan ane 2017 la pou yo travèse fwontyè a epi antre sou tèritwa kanadyen an.

An fèt, plizyè milye imigran divès nasyonalite te prese kite Lèzetazini apre Depatman Sekirite Enteryè Ameriken an ( Department of Homeland Security) te anonse otorite yo pral mete fen nan TPS, swa Estati Pwoteksyon Tanporè, ki ofri imigran ki genyen li yo pwoteksyon kont tout aksyon Sèvis Imigrasyon ak Sitwayènte ta pran pou depòte yo. Anpil nan imigran sa yo se Ayisyen. Nan ka konpatriyòt sa yo, TPS la ap pran fen nan ma jiyè 2019.

Nan yon atik Radio Métropole pibliye sou dosye a lendi 13 out la, sou plis pase 10 mil imigran ayisyen ki te ale o Kanada ilegalman, se 8% sèlman ki ilejib pou soumèt demand azil yo, daprè otorite imigrasoyn Kanada. Kidonk, majorite a pa gen pyès pwoteksyon kont depòtasyon e posiblite pou otorite yo voye yo retounen ann Ayiti se pètèt yon kesyon de tan. Se konsa, Ajans Sèvis Fwontyè peyi a fè konnen otorite yo te depòte 434 nan ayisyen sa yo pandan ane 2017 la; depi ane 2018 la kòmanse yo depòte 68 lòt.

XS
SM
MD
LG