Accessibility links

Breaking News

Premye Konvwa Èd Imanitè yo Resi Rive nan Zòn ki Anba Syèj yo nan Siri


Foto sa a montre konvwa kap transpòte èd imanitè pou al delivre yo nan vil ki anba kontwòl rebèl yo e ki te anba syèj nan peyi Siri. Foto achiv: 14 janvye 2016.

Nasyon Zini ansanm ak Lakwa Wouj entènasyonal di lendi 5 mas 2018 la konvwa kap transpòte èd imanitè antre nan rejyon Ghouta Oryantal ki anba kontwòl rebèl yo e ki anba syèj nan peyi Siri.

Delegasyon Lakwa wouj nan Siri deklare yon konvwa 46 kamyon reyisi pote manje bay 27 mil 500 moun epi yo fè livrezon ekipman medikal, alòske biwo imanitè Nasyon Zini an rapòte otorite siryen yo pat kite yo pote anpil ekipman medikal ki ta kapab sove lavi anpil kretyen vivan, tankou ekipman pou fè operasyon, ensilinn, dyaliz ak lòt ankò.

Konvwa a, se premye asistans imanitè yo te kite antre nan rejyon Ghouta a depi preske 3 semèn.

XS
SM
MD
LG