Accessibility links

Breaking News

Ansyen Depite Stacey Abrams (D-Jòji) Prezante Repons Demokrat yo pou Mesaj sou Eta Inyon an


Ansyen kandida pou plas Gouvènè nan Eta Jòji, Stacey Abrams, ki prezante mesaj-repons Pati Demokrat la pou diskou Prezidan Donald Trump sou Eta Inyon an. (Foto: 5 fevriye 2019).

Aprè Prezidan Donald Trump te prezante “Mesaj sou Eta Inyon an”, jan latradisyon mande sa a, Pati Demokrat la -swa pati opozisyon an- te gen repons li tou pare pou prensipal pwen lidè amerien te touche nan diskou sa a ki te dire anviwon 1 nèdtan ak 10 minit.

Pòtpawòl pati a ane sa a sete ansyen Depite Eta Jòji e ansyen kandida pou pòs Gouvènè Eta a, Stacey Abrams. Konsènan yon sijè ki jwenn yon gwo plas nan mesaj Misye Trump la, ekonomi amerikèn nan, Madam Abrams deklare tablo a pa si briyan jan Prezidan an di nan diskou l la.

Stacey Abrams pandan li t ap prezante repons Pati Demokrat la pou diskou Prezidan Trump fè nan sware madi 5 fevriye 2019 la e ki rele "Mesaj sou Eta Inyon an" ...
Stacey Abrams pandan li t ap prezante repons Pati Demokrat la pou diskou Prezidan Trump fè nan sware madi 5 fevriye 2019 la e ki rele "Mesaj sou Eta Inyon an" ...

“Nan Eta Joji e toupatou nan peyi a, moun nan klas mwayèn nan ap redi byen di pou yon salè ki ka vrèman ba yo yon sekirite ekonomik. Men, olye de sa, lidèchip repibliken an ap kraze espwa fanmi yo, paske yo pa konnen sa lavi reyèl la ye, oubyen paske tou senpleman yo pa konprann sa l ye. Sou administrasyon nou gen la a, gen twòp Ameriken k ap travay e ki twouve yo toujou nan ke kamyonèt la, kote se sou chèk yo touche chak semèn ou chak 2 semèn yo konte pou yo viv; e le pli souvan yo pa gen sendika pou pwoteje yo kont malè ki ka rive yo.”

Stacey Abrams te bay opinyon Demokrat yo tou sou anpil lòt pwen Prezidan Trump te devlope nan mesaj li a e plis ke sa, tankou dosye imigrasyon an, pwoteksyon fwontyè nasyonal yo, krim, refòm nan sistèm jistis la, egalite nan salè fanm ak gason, onète nan eleksyon, elatriye

XS
SM
MD
LG