Accessibility links

Spò: Chanpyona Foutbòl Brezilyen an ap Avanse

  • Jean Robert Philippe

O Brezil klib foubòl Fluminense ogmante avans li nan chanpyona nasyonal la ak 4 pwen gras ak yon viktwa 3 a 0 li ranpòte sou Internacional nan stad Maracana a. Luis Felipe Scolari, k ap antrene klib brezilyen Palmeiras, ranpòte premye viktwa l apre 6 rankont. Palmeiras kale Atletico Paranaense 2 a 0.

O Meksik, Santos Laguna ranpòte yon viktwa tou mens 1 a 0 devan Jaguares, e sa ba li 2 pwen an plis Monterrey nan gwoup 1 an . Isit Ozetazini Los Anjeles Galaksi ranpòte yon viktwa tou mens 1 a 0 devan New York Redbulls, malgre prezans fransè Thierry Henry ak Rafael Marquez nan ekip New York la. Kolonbus Crew tonbe 2 a 0 devan Real Salt Lake. FC Dallas bat DC United isit Washington; skò a se 3 a 1 pou ekip Dallas la ki pa janm pèdi yon match apre 10 sòti.

Antrenè seleksyon nasyonal basketball Lèzetazini an redui a 13 kantite jwè ki pral reprezante peyi a nan koup dimond basketball la ki pral dewoule nan peyi Tiki. Antrnè a te fè rediksyon sa a avan Lèzetazini te ranpòte la viktwa (86 a 55) devan la Frans nan yon match amikal. Seleksyon amerikèn nan ap vwayaje ak 13 jwè e antrenè dwe retire yon lòt jwè pou fè kantite total basketè seleksyone yo rive 12 avan konpetisyon an demare 28 out.

XS
SM
MD
LG