Accessibility links

Somè Ayisyano/Dominiken: Popilarite Préval an Kesyon

  • VOA Nouvèl

Lòt pwen ki domine aktyalite a ann Ayiti se rankont Chèf deta ayisyen an René Préval ak tokay dominiken li Leonel Fernandez samdi 31 jiyè a, pandan yo te prezide rekòmansman travay Komisyon Miks 2 peyi yo.

Seremoni sa a te dewoule nan vil Wanament, tandis ke 2 chèf deta yo te gen pou ale apre sa nan vil Limonad pou "pause première pierre" yon inivèsite Repiblik Dominikèn ap ofri Ayiti.

Yon eleman enpòtan nan somè ayisyano-dominiken sa a, se manifestasyon ki dewoule nan Limonad kote popilasyon an bat gwo bravo pou lidè dominiken an tandis ke li pwoteste avèk gwo bri kont Prezidan Préval ki , daprè patisipan yo, pa fè bon travay nan tèt peyi a pandan manda li a ki pral fini an fevriye 2011.

Pou anpil obsèvatè, alòske Prezidan Fernandez briye pandan vizit li a ann Ayiti, sanble se yon veritab fyasko relasyon piblik pou Prezidan Préval.

Jean Robert Philippe te pale ak korespondan nou Yvan Martin Jasmin.

Klike sou ikòn MP3 ki anwo e adwat atik sa a pou w koute repòtaj VOA kreyòl pou jounen 31 jiyè 2010 la ak yon entèvyou Jean Robert Philippe ak Yvan Martin Jasmin sou somè ayisyano-dominiken an.

XS
SM
MD
LG