Accessibility links

Breaking News

Sekouris ap Chache Sivivan Apre Tornad Frape Sid Etazini


Dega yon tornad koze nan vil Selma, eta Alabama, 13 Janvye 2023.

Yon koken chen move tan ki frape rejyon sid Etazini Jedi touye omwens 6 moun nan eta Alabama, kote yon tornad rache twa ak pye bwa nan vil istorik Selma.

Gen yon moun ki mouri nan eta Joji, kote gwo van ki tap soufle koupe elektrisite pou de dizen milye moun.

Nan eta Alabama, kote 6 moun mouri, gen apepre 40 kay ki swa sibi dega, swa detwi net apre yon torjad te travese 2 kominote riral.

Yon responsab lokal di tornad la pase pran kay mobil epi voye anle. Gen 12 moun ki blese epi oblije al pran swen lopital.

Nan vil Selma menm, yon vil istorik ki te jwe yon wol kle nan mouvman dwa sivik Etazini, yon tornad te frape anbalavil epi lakoz bilding an brik kraze, pye bwa rache, machin andomaje epi fil elektrik rache.

Lafimen te vizib nan syel la apre yon kay te pran dife. Li pa kle si se move tan an ki koze dife sa a.

Majistra Selma, James Perkins di pa gen okenn moun ki mouri nan vil la men gen moun ki blese grav.

"Nou gen chans, nou evite gwo dega jodia. Bagay yo te ka bokou pi grav."

Sekouris yo kontinye ap fe konsta dega yo e responsab yo te espere gen yon ide konbyen dega ki fet gras ak foto avyon pran Vandredi maten.

Enfomasyon pou repotaj sa a soti nan Associated Press

XS
SM
MD
LG