Accessibility links

Breaking News

Se yon Moun eta Ilinwa ki Genyen Gwo Lo $1.33 Milya


Machin estasyone devan stasyon gazoline Speedway la nan vil Des Plaines, eta Ilinwa kote yo vann biye ki genyen lotri Mega Millions la, Samdi 20 Jiye, 2022.

Yon moun ki achte yon biyè lotri Mega Millions la nan yon banlye Chicago pran gwo lo a - swa $1.33 milya dola.

Yon responsab lotri a di gen yon sel moun ki genyen e li te achte biyè a nan yon magazen nan vil Des Plaines.

Chif ki genyen gwo lo a Vandredi swa sete: 13-36-45-57-67 epi boul Mega a sete 14. Se twazyem pi gwo pri loto Ozetazini. Li te gwo konsa paske pèson pat rive matche 6 chif lotri a depi 15 Avril. Savledi gen 29 tiraj ki fèt san pèson pat pran gwo lo a.

Pri $1.33 milya dola a se pou gayan ki te chwazi opsyon anuite a, kidonk lap resevwa lajan chak ane pou 29 an.

Sepandan pi fò gayan yo chwazi opsyon kach la, ki kivledi lap resevwa yon afe $780.5 milyon dola.

XS
SM
MD
LG